Natalia Bakhareva (ulita_n) wrote,
Natalia Bakhareva
ulita_n

Category:

Тропари и кондаки еллинстии. Септемврий доп. 1

Из собрания тропарей и кондаков из разных источнииков, в т.ч. из отдельно изданных греческих служб. Поскольку много "иных" тропарей и кондаков одному святому, пока их пропускаю, оставляя в скобках заглавие и глас.
СЕПТЕМВРИЙ
1 (14).
В сей день, начало новаго индикта, определила великая Христова Церковь «прежде всех творити молитвы, моления, прошения, благодарения за вся человеки» и о защищении и сохранении окружающего нас [тварнаго] естества от тления и изменения. «Сие бо добро и приятно пред Спасителем нашим Богом».
((Тропарь о заступлении и сохранении окружающаго [нас тварнаго естества]. Глас 4.
И́же сла́вы Госпо́дь,/ Свою́ ве́чную си́лу явля́яй,/ и божество́ явля́ет тва́рем,/ мир устро́ивый и тва́рей испо́лнивый,/ естества́ преде́лы учиня́ет и челове́ком определя́ет/ (рабо́тати творе́нию добре,// Творцу́ служа́ще.))*
*Экологическая тематика как-то не очень ложится на церковнославянский язык. К тому же, взятая в скобки часть (ἐργάζεσθαι τῇ Κτίσει καλῶς) вызвает сомнения. Предполагаю, что здесь идет речь о служении матери-природе. Но есть и другое мнение, от лица гораздо более авторитетного, чем я, предполагающее дательный инструментальный (работать при помощи твари). Буду очень благодарна, если кто-нибудь выскажет свое мнение.
Кондак. Глас 8.
Ада́му в раи́ повеле́ние до́бре де́лати его́ и храни́ти, преслу́шшему/ тогда́ врата́ затвори́шася,/ мы же в преступле́нии мно́зем су́ще,/ го́речь дре́ва позна́ния лука́ваго несумне́нно вкуси́вше,// те́рние тле́ния пожина́ти за я́же тва́ри соде́яхом, пока́явшеся, избе́гнем.
Ин кондак индикту. Глас 3.
(Творение славнаго патриарха Константинопольскаго Кирилла 6-го, 1813 г.)
Незрече́нно вся́ческая прему́дростию созда́вый,/ и времена́ во вла́сти Свое́й положи́вый,/ христолюби́вым лю́дем Твои́м побе́ды да́руй,/и ле́та, и вхожде́ния и исхожде́ния,/ благослове́ньми направля́я дела́ на́ша,// по боже́ственней во́ли Твое́й.

Тропарь ин прп. Симеону Столпнику. Глас 4.
Я́ко столп богопи́санный свяще́нных доброде́телей,/ жития́ твоего́ восхожде́ния оста́вил еси́ нам,/ Симео́не всеблаже́ннейший,/ ты бо на столпе́ сия́яй, я́ко све́тлость огня́*,/ влече́ши нас от земли́ к животу́ небе́сному,/ о́браз благотече́ния// показу́я де́лы твои́ми.
*Светлость огня – πυρσος – огонь, обычно сторожевой или сигнальный, маяк. В богослужебных текстах переводился как «огнь», «светлость огня» (тропарь свт. Иоанну Златоусту).
Тропарь 40-ка девам мученицам и Аммуну, диакону и учителю их. Глас 5.
Подви́жников ли́цы,/ прииди́те, стецы́теся,/ и четы́редесять дев со Амму́ном благоче́стныя/ возвели́чите, све́тло торжеству́юще,/ я́ко пострада́ша кре́пко, /по́двигом о Христе́ укре́пльшеся и просве́щшеся,/ моля́щеся ко Го́споду// спасти́ся душа́м на́шим.
Кондак. Глас 4.
Небеса́ ра́дуются со а́нгелы,/ в па́мять святы́х* днесь/ по́стниц и Амму́на/ кровьми́ украше́нных,// Го́споду бо ве́рно после́доваша.
*Слова «святых» нет в оригинале.
Кондак чуда Богородицы. Глас 4.
Яви́ся, Пренепоро́чная,/ от вод ико́на всечестна́я/ всесвята́го зра́ка Твоего́,/ я́коже исто́чник добротеку́щий,// чуде́с во́ды излива́яй.
Величание индикту.
Безнача́льный трисо́лнечный Царю́,/ и́же време́н и лет круговраще́ния соблюда́яй,/ благослови́ круг ле́та нова́го,// блага́я Твоя́ дая́ния всем да́руяй.
2 (15).
(Ин тропарь святому мученику Маманту. Глас 3.)
(Ин тропарь святому мученику Маманту. Глас 1.)
(Ин тропарь святому мученику Маманту. Глас 1 (поемый во граде Морфу на Кипре).)
Кондак святителюИоанну Постнику, патриарху Констанопольскому. Глас 4.
Я́ко Предте́чи о́бщник зва́нием,/ того́ подо́бник и де́лом яви́лся еси́,/ поще́нием бо просия́в и чи́стым житие́м./ Те́мже пастыренача́льника тя ове́ц Свои́х/ Христо́с поста́ви досто́йно, Иоа́нне./ Его́же моли́ спасти́ся нам,// соверша́ющим всечестну́ю па́мять твою́
3 (16).
(Ин тропарь священномученику Анфиму. Глас 1)
Тропарь ин священномученику Аристину, епископу Александрийскому. Глас 4.
Христу́, о Аристи́не, до́бре священнопослужи́в,/ Тому́ поже́рл еси́ себе́ по́зде,/ я́ко же́ртву честну́ю,/ пострада́в кро́вию./ Те́мже не оскудева́й моля́ся непреста́нно о чту́щих тя,/ и те́пле прося́щих святы́х моли́тв твои́х,// му́чеников изря́днейший.
Тропарь новомученику Полидору Кипрскому. Глас 3.
Ве́лия Никоси́и* похвала́,/ гра́да Ефе́са ве́лие утвержде́ние,/ двух градо́в ве́лия сла́ва,/ о́ваго бо се́мя честно́е был еси́,/ ов же кро́ви твоя́ обагри́ша./ Но моли́ Христа́ Бо́га, свя́те Полидо́ре,// да изба́вимся от бед и скорбе́й.
*Греч. Λευκοσια. В Европе стало более употребительным название Никосия.
4 (17)
(Сщмч. Вавилы и иже с ним пострадавших отроков Аммония, Доната и Фавста)
(Ин тропарь свщмч Вавилы, глас 3)
Тропарь пророку Моисею. Глас 3.
Мрак невеще́ственный созерца́вый,/ зако́н боже́ственный, дщи́цу прия́л еси́,/ я́ко зри́тель таи́н Ду́ха,/ и Еги́пет напо́лнивый чудесы́,/ вождь Изра́иля был еси́, Моисе́е сла́вне,/ Христа́ Бо́га моли́// дарова́ти нам ве́лию ми́лость.
Кондак. Глас 8.
Я́ко зри́теля Бо́жия вочелове́чения/ и тайнопи́сца Того́ соше́ствия,/ ублажа́ем, богови́дче, тя досто́йно./ Но я́ко хода́тай еси́ достобоже́ственный,/ от вся́ких нас изба́ви озлобле́ний, да зове́м:// Ра́дуйся, блаже́нне Моисе́е му́дре.
Тропарь святой мученице Ермиони́и. Глас 1.
Доброму́ченице Ермиони́е,/ и Христо́ва неве́ста непоро́чная,/ ны́не Тому́ предстоя́щи, я́ко прекра́сная и вседо́брая,/ я́ко каме́ние све́тлое и светоза́рное, я́звы нося́щи пло́ти,/ и в крове́й порфи́ру, я́ко цари́ца, облаче́на, сла́вная,/ моли́ Того́ о нас, любо́вию восхваля́ющих/ пе́сньми побе́дными и пе́ньми// твое́ боже́ственное страда́ние.
Тропарь преподобному Анфиму Кефалонийскому, новому подвижнику*. Глас 4.
Па́ли** прозябе́ние,/ Кефало́нии огнесия́ние,/ оби́тели Лепе́дския*** боже́ственнаго строи́теля,/ све́тло восхва́лим Анфи́ма,/ по́двигом врага́ низложи́вшаго,/ благода́ть же исцеле́ний от Го́спода прие́мшаго,// моля́щагося приле́жно о спасе́нии на́шем.
*Преподобный Анфим (Куруклис), Анфим-слепец (1727-1782 (81?), подвизавшийся сначала на Афоне, затем в разных частях Греции. Лит.: Σωφρόνιος (Εὐστρατιάδης).῾Αγιολόγιον. Σ. 42; Δίπτυχα. Σ. 557-558; Макарий Симонопетрский, иеромон. Синаксарь: Жития святых Православной Церкви: В 6 т./ Адаптир. Пер. с франц. Т.1. М.: Сретенский монастырь, 2011.
**Па́ли – полуостров о-ва Кефалонии.
***Лепе́ды – местность близ Ликсури – селения (ныне город), где родился святой.
5 (18).
(Ин тропарь прор. Захарии. Глас 3.)
6 (19).
(Ин тропарь архангелу Михаиу (3-й) (чудо в Хонех). Глас 3.)
7 (20).
Величание предпразднеству Рождества Богородицы.
От ложе́сн безпло́дных ны́не/ плодоноше́ние де́лающая благ/ Чи́стая Де́ва происхо́дит ми́ру.// Лю́дие, с весе́лием предпра́зднуйте.
Тропарь преподобной Кассии песнописице. Глас 4.
Христа́, Касси́е, от души́ возлюби́вши,/ Христу́ ны́не предстои́ши, жениху́ своему́,/ во мно́зей сла́ве сия́ющи./ Те́мже Влады́це пе́сни сладкопою́щим/ пе́сней небе́сных услы́шати умоли́,/ я́ко дерзнове́ние иму́щи к Нему́,/ преподо́бная равноа́нгельная.
(Ин кондак мученика Созонта. Глас 3.)
8 (21).
Ин тропарь Рождеству Богородицы. Глас 4.
Пресвята́я Влады́чице,/ под кров Твой вси раби́ твои́ прибега́ем,/ и про́сим Тя недосто́йнии,/предвари́ и изба́ви гре́шныя,/ свободи́ ста́до твое́ сие́ от вся́каго обстоя́ния/ и от сме́рти внеза́пныя и губи́тельныя./ Ве́мы, я́ко мо́жеши вся, ели́ка хо́щеши и во́лиши./ Влады́чице ми́ра, Цари́це, Госпоже́, от Отца́ благослове́нная,// услы́ши моля́щия Тя.
Величание Рождеству пресвятыя Богородицы.
Днесь ражда́ется сла́вно/ по обетова́нию Богоневе́ста Мариа́м,/ предопределе́нная Сло́ву пре́жде век.// Воспои́м у́бо вси Тоя́ Рождество́.
Ино величание.
Прииди́те, поклони́мся  ра́достию, и безме́рною любо́вию/ всенескве́рному* Рождеству́ Присноде́вы,/ от Нея́же Христо́с роди́ся, Царь вся́ческих,// спасти́ челове́ка.
*Надеюсь, это не есть и не будет воспринято как указание на непорочное зачатие Приснодевы.
Тропарь иконе Божьей Матери Пресвятая Госпожа Кардиотисса. Глас 1.
Ико́на Твоя́, прише́дшая преди́вно, Всенепоро́чная,/ я́ко дар с небесе́ огра́де Твое́й соблюде́ся./ Всеблагогове́йно бо сию́ почита́юще,/ по́мощь во всем дово́льну прие́млем,/ и любо́вию, Госпоже́,/ от души́ вопие́м Ти:/ сла́ва Тебе́, Кардиоти́ссо Чи́стая,/ сла́ва милосе́рдию Твоему́,// сла́ва Твоему́ к нам заступле́нию всегда.
9 (22).
Ин тропарь святых праведных богоотец Иоакима и Анны. Глас 5.
Дво́ица свята́я и богочести́вая,/ Иоаки́м и А́нна, я́ко Бо́жии сро́дницы,/ да воспою́тся све́тло пе́сненными добро́тами./ Ти́и бо роди́ша нам Ро́ждшую па́че ума́/ Безпло́тнаго вочелове́чшагося/  во спасе́ние ми́ру,// с Не́юже мо́лятся спасти́ся нам.
Ин кондак. Глас 1.
Сопру́г честны́й, Иоаки́м и А́нна,/ лику́ют све́тло, па́че наде́жды ро́ждшии/ Го́ру святу́ю, О́блако одушевле́нное,/ Препросла́вленное Царе́во седа́лище.// И́хже благода́ти духо́вно приобща́ющеся,// Христа́ велича́ем.
Величание.
Красу́ется Анна боголе́пно,/ иму́щи я́ко младе́нца Ро́ждшую Творца́./ С не́ю ра́дуется Иоаки́м боже́ственный.// И́хже ра́дости, я́ко дар, песнь воспои́м.
Тропарь великомученику Севериану. Глас 4.
Му́дростию слове́с твои́х/ ополче́ние свяще́нное/ всесла́вных страда́льцев* боже́ственно пома́зал еси́/ на страда́ние боже́ственное./ Те́мже ги́бнущая разуме́ния презре́в,/ нетле́нную стяжа́л еси́ страда́нием сла́ву.// Сего́ ра́ди, Севериа́не, тя пе́сньми почита́ем.
*Ополчение священное всеславных страдальцев – 40 мучеников Севастийских, которых укреплял Севериан перед их подвигом.
Кондак. Глас 2.
Я́ко сла́вный благоче́стия воспи́танник,/ му́ченически просла́вил еси́ житие́ твое́,/ Севериа́не богому́дре,/ страстоте́рпцев ве́рше,/ боже́ственными бо сия́я исправле́нии,/ я́звами Сло́ва украси́лся еси́,// моля́ спасти́ся душа́м на́шим.
Тропарь иконе Божия Матере Киккотисса. Глас 1.
Ми́лующая Де́во,/ оби́тели Ки́ккския похвало́,/ и́же на руку́ Твое́ю я́ко младе́нец, Иису́са умоли́,/ о покланя́ющихся свято́му и всечестно́му о́бразу зра́ка Твоего́,/ подаю́щая прегреше́ний оставле́ние и проше́ний исполне́ние,/ я́ко да почита́ем во ве́ки, Ма́ти, вели́чия Твоя́,/ сла́ву принося́ще Бо́гу,// толи́ко Тебе́ возвы́сившему.
Кондак. Глас 8.
Исто́чник ми́лости, Елеу́со, Тя ве́дуще,/ я́ко ро́ждшую Бо́га Ми́лостиваго,/ о́браз Твой святы́й лобыза́ем,/ его́же Лука́ духоно́сный изобрази́/ и и́мже о́стров Кипр богате́ет, я́ко сокро́вищем, тому́ зову́ще:// Ра́дуйся, Ма́ти Кикоти́ссо.
Тропарь преподобному Исайе, ктитору Киккския обители. Глас 1.
Сла́вныя огра́ды Ки́ккския/ пе́рвый кти́тор был еси́, о́тче Иса́йе всеблаже́нне,/ ю́же вельми́ обогати́л еси́,/ прия́в о́браз Ми́лующия,/ Луки́ свяще́ннаго дея́ние честно́е,/ от Гра́да* веле́нием Бо́жиим и ца́рским изволе́нием./ Сла́ва просла́вльшему тя Христу́,/ сла́ва Уди́вльшему,// Его́же о ча́дех твои́х при́сно моли́, треблаже́нне.
*Т.е. Константинополя.
Кондак. Глас 4.                            
Го́ру Ки́ккскую освяти́л еси́, о́тче,/ по́стническим жи́тельством и труды́ твои́ми,/ в не́йже седа́лище угото́вал еси́ Ма́тери Бо́жией,/ честно́е изображе́ние Елеу́сы прине́с,/ е́же ди́вно Лука́ священнописа́,/ и ны́не мо́лишися ко Благо́му.// о Иса́йе, о чту́щих тя.
10 (23).
(Ин тропарь святых мучениц Минодоры, Митродоры и Нимфодоры. Глас 1.)
11 (24).
Ин кондак  преподобной Феодоре Александрийстей. Глас 1.
Но́щи страсте́й избе́гши, богому́драя,/ пришла́ еси́ у́мно к со́лнцу сла́вы,/ поще́нием умертви́вши пло́ти взыгра́ния./ Те́мже была́ еси́ мона́шествующим пра́вило/ и исправле́ние па́дшим в житии́.// Сего́ ра́ди тя почита́ем.
Тропарь преподобномученице Феодоре, яже в Ва́сте. Глас 4.
Я́ко дар многоце́нный и приноше́ние слове́сное,/ Христу́ принесла́ еси́, над все́ми Бо́гу/ кровь твою́, всечестна́я./ Те́мже, преподобному́ченице Феодо́ро, моли́/ прегреше́ний оставле́ние/ и душа́м спасе́ние пода́ти// хва́лящим боже́ственное твое́ страда́ние.
Тропарь священномученику Хризостому* (творение Леонидаса Филиппидиса*). Глас 3.
*Память сщмч. Хризостому 11 (24) сентября заменена на переходящую — в Неделю перед Воздвижением. Но пока оставляю тропари и кондаки здесь.
Ве́лия му́ченика - Це́рковь,/ ве́лия геро́я – весь наро́д,/ Сми́рнаскаго воспева́ем Хризосто́ма./ Пострада́в бо до́блественно,/ за ро́дину и ве́ру смерть прия́т./ Иера́рха у́бо о́браз себе́ показа́,// вене́ц прия́в неувяда́емый.
*Леонидас Филиппидис – гречеси́й богослов, преподаватель, ректор богословской школы Афинского ун-та в 1945 – 46 гг.
Ин тропарь. (Творение иерея Николаса Авури*). Глас 1.
Страда́льцев тя сла́ву и Сми́рны председа́теля,/ и правосла́вия блюсти́теля тя почита́ем, Хризосто́ме,/ показа́лся бо еси́ в нем па́стырь всеизря́ден и досто́ин,/ за па́ству поже́рший жизнь и житие́, всехва́льне./ Сла́ва просла́вльшему тя Христу́,/ сла́ва Укре́пльшему,// сла́ва Показа́вшему нам му́ченика ве́лия.
*Его же авторству принадлежит греч. служба св. равноап. Ольге (Изд. 1904 г.)
Кондак. Глас 8.
Иера́рха Христо́ва до́бльственнейшаго,/ Ио́нии и Сми́рны честна́го председа́теля/ воспои́м всенаро́дно в це́рквах Христо́ва священному́ченика сла́внаго/ и наро́днаго му́ченика всечестна́го, взыва́юще:// Ра́дуйся, о́тче Хризосто́ме.
12 (25).
Тропарь священномученику Автоному. Глас 1.
От за́пад возше́д, я́ко звезда́ небосве́тлая,/ и к восто́ку возсия́в луча́ми нра́вов твои́х,/ Со́лнце пра́вды Иису́са просла́вил еси́ страда́льчеством твои́м тве́рдым./ Сего́ ра́ди просла́вился еси́ чудоде́йственно, Автоно́ме, о́тче наш./ Сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
13 (26).
Ин тропарь предпразднества Крестовоздвижения. Глас 1.
Дре́во живо́тное, ле́ствица небе́сная,/ Крест непоро́чный, исто́чник благода́тей/ рука́ми иере́ев явля́ется воздвиза́ем./ Прииди́те вси, чи́стым се́рдцем/ предпра́зднественную тому́ принесе́м хвалу́,// Христа́ велича́юще.
Кондак. Глас 4.
Крест Честный, предвосходя́,/ предочища́ет всех/ и освяща́ет та́инственно,/ его́же пра́востию помышле́ния// угото́вимся ве́рно восприя́ти.
Величание:
Днесь вся тварь, Спа́се,/ любо́вию возвыша́ющи всесвяты́й Твой Крест,/ глас к Тебе́ воздыма́ет и ве́рою вопие́т Ти:// Да́руй лю́дем Твои́м, Сло́ве, благода́ть Твою́.
Tags: гимнография богослужебные тексты тропари
Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 7 comments