Natalia Bakhareva (ulita_n) wrote,
Natalia Bakhareva
ulita_n

Category:

Тропари еллинстии. Ианнуарий. С новым годом. Редактировано 1. 03.

Тропари еллинстии. Ианнуарий
[Именования святых (иже во святых и проч.) приводятся сокращенно]


1 ианнуариа (14)
Тропарь Обрезания Господня. Глас 1.
О́браз непрело́жно челове́ческий прия́л еси́ во́лею,/ Бог сый по естеству́, многомилосе́рдне Го́споди,/ и зако́н испо́лняя,/ обре́зание во́лею плотско́е прия́л еси́,/ я́ко да сконча́еши сено́вная/ и да пре́йдеши покрыва́ло страсте́й на́ших./ Сла́ва бла́гости Твое́й,/ сла́ва благоутро́бию Твоему́,// сла́ва неизрече́нному, Сло́ве, снисхожде́нию Твоему́.

2 ианнуариа (15)
Тропарь святителя Сильвестра, папы римскаго. Глас 4
Во оде́жду обле́кся священнонача́лия,/ ве́рно свяще́нствовав непосты́дно/ И́же над все́ми Бо́гу, о́тче наш Сильве́стре,/ име́яй сло́во жи́тельству сосия́тельно,/ чудесы́ изве́ствовав благоче́стия сла́ву,/ е́юже небе́сныя сла́вы// соприча́стник яви́лся еси́.
4 ианнуариа (17)
Кодак святых апостол. Глас 2
[Вар. существующего]
Христов́ых ученико́в лик се́дмьдесят/ боже́ственне, ве́рнии, воспои́м днесь и восторжеству́им./ Те́ми бо вси навыко́хом/ Тро́ицу чти́ти неразде́льную./ Суть бо свети́льницы боже́ственныя ве́ры.

8 ианнуариа ианнуариа (21)
Тропарь преподобнаго Георгия Хозевита. Глас 5
Возде́лавый, о́тче, сло́во благода́ти,/ пра́вды пожа́л еси́ плодоно́сие сла́вное, я́ко боже́ственное житие́ избра́в:/ те́мже сла́вы о́бщник показа́лся еси́ Христо́вы,/ Гео́ргие богоно́сне./ О, моли́ся непреста́нно поми́ловатися душа́м на́шим.
Тропарь преподобныя Домники. Глас 5
Любо́вию лу́чшею ум озари́вши,/ по́двигом просия́ла еси́, я́ко свети́льник све́тлый, Домни́ка всехва́льная:/ те́мже мона́шествующим тя наста́вницу светоно́сную показа́ Госпо́дь/ житие́м и сло́вом./ О, моли́ся, богоно́сная, спасти́ся всем [нам].
9 ианнуариа (22)
Тропарь святаго мученика Полиевкта [Мелитинскаго]. Глас 1
С небесе́ боже́ственнаго благоче́стия осия́ние прие́м,/ яви́лся еси́ до́блий во́ин Спа́сов, Полие́вкте,/ и мечо́м во главу́ усече́н быв,/ му́ченическим лико́м соприче́лся еси́,/ с ни́миже моли́ся всегда́, богому́дре,/ о вопию́щих ти:/ Сла́ва да́вшему ти кре́пость,/ сла́ва венча́вшему тя,/ сла́ва да́рующему тобо́ю всем лу́чшая.

13 ианнуариа (26)
Кондак святых мученик Ермила и Стратоника. Глас 2.
От мирска́го смеше́ния убежа́сте/ и к ми́рному устрое́нию преидо́сте/ му́ченическими кровьми́ и по́стническими труды́ венча́еми./ Те́мже и показа́стеся// му́ченик и преподо́бных единосе́льницы.
15 ианнуариа (27)
Тропарь преподобнаго Павла Фивейскаго.Глас 3.
Боже́ственнаго Ду́ха дохнове́нием/ пе́рвый в пустыню всели́лся еси́,/ илиину́ ре́вность подража́я./ И пти́цею пита́ем,/ я́ко равноа́нгелен,/ от Анто́ния ми́ру позна́лся еси́./ Па́вле преподо́бне,/ Христа́ Бо́га моли́// дарова́ти нам ве́лию ми́лость.
Кондак, глас 4.
Свети́льника на высоте́ доброде́телей возсия́вшаго/ восхва́лим вси ве́рнии, Па́вла, зову́ще:// Ты еси́ преподо́бных, Христе́, ра́дование.

Тропарь преподобнаго Иоанна Каливита. Глас 4.
От младе́нства Го́спода возлюби́вый те́пле,/ мир оста́вил еси́ и я́же в ми́ре кра́сная,/ и подвиза́лся еси́ до́блественне./ Калив́у поста́вил еси́ пред враты́ роди́телей твои́х/ посрами́л еси́ бесо́вская лови́тельства, всеблаже́нне./ Сего́ ра́ди тя, Иоа́нне,// Христо́с досто́йно просла́ви.
Кондак*. Глас 2.
*Вар. существующего
Возлюби́в, му́дре нищету́ Христоподража́тельную,/ роди́телей твои́х бога́тство оста́вил еси́./ И Ева́нгелие в рука́х твои́х держа́,/ после́довал еси́, Иоа́нне, Христу́ Бо́гу,// моля́ся непреста́нно о всех нас.
святаго мученика
17 ианнуариа (30)
Кондак преподобнаго Антония Великаго*. Глас 2.
* Вар. сущ-го.
Жите́йския молвы́ отри́нувый,/ безмо́лвно житие́ сконча́л еси́,/ Крести́теля подража́я вся́ким о́бразом, преподо́бне./ С ним у́бо тя почита́ем,/ отце́в о́тче, Анто́ние.
Тропарь святаго мученика Григория Я́нинскаго. Глас 5.
Всехва́льнаго му́ченика, Христова Гео́ргия,/ Я́нины сла́ву и градоде́ржца све́тлаго/ в пе́снех духо́вных восхва́лим./ Я́ко пострада́ тве́рдо/ и низложи́ врага́ си́лою ду́ха.// И ны́не непреста́нно мо́лится спасти́ся душа́м на́шим.
19 ианнуариа (1 ф.)
Тропарь преподобным Макарию Египетскому и Макарию Александрийскому*. Глас 1.
* В тексте греч. Вел. Часослова тропарь указан как «Тропарь преподобным», а выше под 19-м числом, видимо по ошибке, упоминается один прп. Макарий Египетский.
Животу блаже́нному тезоимени́то/ гражда́нство я́ко улучи́вше преподо́бно,/ богоно́снии Мака́рии,/ в зако́не бо Бо́жии благоче́стно испра́висте стези́ душе́вныя,/ боже́ственныя сла́вы о́бщницы показа́стеся,/ спаса́юще зову́щия:/ Сла́ва Укре́пльшему вы,/ сла́ва Венча́вшему,// сла́ва Де́йствующему ва́ми всем исцеле́ния.

Тропарь преподобнаго Арсения. Глас 4.
Му́дрости дарова́ния ве́рно плодоноси́в,/ па́стырь свяще́ннейший Це́ркве Христо́вы показа́лся еси́, Арсе́ние./ Те́мже в Керки́ре благосла́вно просия́в,/ напра́вил еси́ лю́ди своя́ на па́жити и́стины.// И ны́не твои́ми моли́твами спаса́й рабы́ твоя́.

Тропарь святителя Марка, митрополита Ефесскаго, Евгеника. Глас 3.
Боже́ственныя ве́ры испове́данием/ ве́лия обре́те Це́рковь тя ревни́теля,/ боже́ственне Ма́рко всехва́льне,/ оте́ческаго мудрова́ния побо́рника/ и низложи́теля тьмы возноше́ния./ Те́мже оставле́ние Христа́ Бо́га моли́// дарова́ти нам, тя велича́ющим.
22 ианнуариа (4 ф.)
Тропарь святаго мученика Анастасия Персянина. Глас 4.
Пре́лесть пе́рсскую отри́нув разу́мно,/ к ве́ре прите́кл еси́ Христо́ве благоче́стно,/ му́дре Анаста́сие./ Те́мже и в по́двизе просия́в боже́ственне,/ пострада́л еси́ па́че естества́,/ и зми́я сокруши́л еси́.// Сего́ ра́ди сугу́бым венце́м от Бо́га увенча́лся еси́.
24 ианнуариа (6 ф.)
Тропарь преподобныя матери нашея Ксении Римляныни. Глас 3.
Стра́нное сконча́ла еси́ в ми́ре житие́,/ стра́нное име́ла еси́ именова́ние,/ прозва́нием указу́ющее нрав твой./ Ты бо жениха́ оста́вивши привре́меннаго,/ Бессме́ртному преподо́бно уневе́стилася еси́./ Ксе́ние сла́вная,/ Христа́ Бо́га моли́// дарова́ти нам ве́лию ми́лость.
30 ианнуариа (12 ф.)
Тропарь вселенских учителей и святителей Василия Великаго, Григория Богослова и Иоанна Златоустаго. Глас 1.
Вели́кия трие́ свети́льники трисо́лнечнаго Божества́,/ вселе́нную луча́ми уче́ний свои́х боже́ственных путеводя́щия,/ медото́чныя пото́ки прему́дрости,/ всю тварь богоразу́мия вода́ми ороси́вшия,/ Васи́лия Вели́каго и Богосло́ва Григо́рия/ со сла́вным Иоа́нном, язы́ком златоглаго́ливым,/ вси и́же слове́с их рачи́тели,/ соше́дшеся, пе́сньми почти́м.// Ти́и бо ко Тро́ице о нас при́снии предста́телие.

Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 3 comments